திருநெல்வேலி: திருநெல்வேலி மாவட்ட காவல் கண்காணிப்பாளர் திரு.நெ.மணிவண்ணன், IPS.,அவர்கள் வழிகாட்டுதலின்படி ஊரடங்கு காலத்தில் திருநெல்வேலி மாவட்டத்தின் பல பகுதிகளில் வெளியில் நடமாடும்
பொதுமக்களுக்கு கொரோனா நோய் தொற்று தடுப்பு பற்றி காவல்துறையினர் விழிப்புணர்வு ஏற்படுத்தி வருகின்றனர்.
இந்நிலையில் திருக்குறுங்குடி காவல் நிலையம் எல்லைக்குட்பட்ட பகுதியில் உள்ள பொது மக்களுக்கும் மற்றும்
விளையாடிக்கொண்டிருந்த மாணவர்களுக்கும், ஏர்வாடி காவல் ஆய்வாளர் திரு ஐயப்பன் அவர்கள் கொரோனா தடுப்பு முறைகள் குறித்து விழிப்புணர்வு ஏற்படுத்தி அறிவுரை செய்து அனுப்பி வைத்தார்.
இதேபோல் மூன்றடைப்பு காவல் நிலைய எல்லைக்குட்பட்ட பனையன்குளம் பகுதியில் உள்ள இளைஞர்களுக்கு
மூன்றடைப்பு உதவி ஆய்வாளர் செல்வி சோபியா அவர்கள் கொரோனா நோய் தொற்று குறித்து விழிப்புணர்வு ஏற்படுத்தியும், முககவசம் வழங்கியும், வீட்டிலேயே பாதுகாப்பாக இருங்கள் என அறிவுரை செய்து அனுப்பி வைத்தார்.
