மதுரை: அவனியாபுரம் பெருங்குடி ஏர்போர்ட் ரோட்டில் கார் கம்பெனியின் பின்புறம் கும்பல் ஒன்று வைத்து சூதாடிக் கொண்டிருந்தனர். அவனியாபுரம் போலீசார் அந்தப் பகுதியில் ரோந்துசென்றபோது அவர்களை சுற்றி வளைத்து பிடித்தனர். பின்னர் பிடிபட்டவர்களிடம் விசாரித்த போது வில்லாபுரம் வேலுப்பிள்ளை தெரு ராதாகிருஷ்ணன் (52), அதே பகுதியைச் சேர்ந்த கருணாகரன் (49), அவனியாபுரம் அயன் பாப்பாகுடி முத்துராமலிங்கம் (43), வில்லாபுரம் ரைஸ் மில் தெரு பாக்யராஜ் (47), வில்லாபுரம் மந்தை அம்மன் கோவில் தெரு சின்ன மணி (48) என்று தெரியவந்தது. அவர்கள் ஐந்து பேரையும் போலீசார் கைது செய்தனர். அவர்கள், சூதாடியை சீட்டு கட்டுகளையும் அவர்களிடம் இருந்து பணம் ரூபாய் 9360ஐயும் போலீசார் பறிமுதல் செய்தனர்.
மதுரையிலிருந்து நமது நிருபர்
திரு.ரவி
