மதுரை: எஸ். எஸ் காலனி கம்பர்தெரு வடக்கு வாசல் பகுதியில் விஸ்வா காட்டேஜில் சிலர் பணம் வைத்து சூதாடுவதாக போலீஸ் சப் இன்ஸ்பெக்டர் அழகுமுத்துவுக்கு தகவல் கிடைத்தது. அவர் போலீசாருடன் சம்பவ இடத்திற்கு சென்று கண்காணித்தார். அப்போது ஆறு பேர் கொண்ட கும்பல் அங்கு பணம் வைத்து சூதாடியது தெரியவந்தது. அவர்கள் ஆறு பேரையும் சுற்றி வளைத்து பிடித்தார். பிடிபட்டவர்களிடம் விசாரணை நடத்திய போது எஸ் .எஸ் காலனி பாரதியார் மெயின் ரோடு நாகராஜன் மகன் கார்த்திக் (48), ஆனையூர் தமிழ் நகர் ரங்கராஜன் (62), வில்லாபுரம் மீனாட்சி நகர் மகேந்திரன் (58), அவனியாபுரம் கண்ணன் மகன் விஜய் (28) ,சொக்கிகுளம் அண்ணா நகர் பாலாஜி (51 ) எஸ். எஸ் காலனி திரவியம் மகன் ஜார்ஜ் (25) என்று தெரியவந்தது. அவர்கள், ஆறு பேரையும் கைது செய்து அவர்கள் சூதாடிய சீட்டுக்கட்டுகளையும் பணம் ரூ .59ஆயிரத்து 560ஐயும் போலீசார் பறிமுதல் செய்தனர்.
மதுரையிலிருந்து நமது நிருபர்
திரு.ரவி
