ஈரோடு: பெருந்துறை அருகே திண்டல் பகுதியில் ஹோட்டல் நடத்தி வருபவர் சுமித்(30).இவரது கடைக்கு அடிக்கடி சாப்பிட வரும் முத்தம்பாளையம் வீட்டு வசதி வாரிய குடியிருப்பைச் சேர்ந்த பேபி என்பவரிடம் பழக்கம் ஏற்பட்டுள்ளது.
இந்த நிலையில் நேற்று வேலையை முடித்துவிட்டு சுமித் பேபியை செல்போனில் தொடர்பு கொண்டுள்ளார். அப்போது அவர் வேப்பம்பாளையத்தில் உள்ள ஒரு தோட்டத்திற்கு பணத்துடன் வருமாறு கூறியுள்ளார்.
இதையடுத்து அப்பகுதிக்கு சென்ற சுமித்தை அங்கு காத்திருந்த வெள்ளியங்கிரி, தம்பி கார்த்தி, சதீஷ் ஆகியோர் தாக்கிவிட்டு அவரிடமிருந்த ரூ.1,500 பணத்தைப் பறித்துச் சென்றுள்ளனர்.
இதுகுறித்து சுமித் பெருந்துறை காவல் நிலையத்தில் புகார் அளித்தார்.அதன் பேரில் போலீசார் வழக்குப்பதிந்து வெள்ளியங்கிரி(35),அவரது தம்பி கார்த்தி(23),பேபி(31),சதீஷ்குமார்(31) ஆகியோரை கைது செய்தனர்.
