மதுரை: பஞ்சாயத்து அலுவலக ஊழியர் வீட்டில் தீ விபத்தில் ஏராளமான பொருட்கள் எரிந்து நாசமாயின.
மதுரை அருகே இளமானூர் சக்கிமங்கலம் அம்பேத்கர் நகரை சேர்ந்தவர். பாண்டியம்மாள் (44). இவர் சக்கிமங்கலம் பஞ்சாயத்து அலுவலகத்தில் ஊழியராக வேலை பார்த்து வருகிறார். இவரது வீட்டில், திடீரென்று மின் கசிவு காரணமாக திடீரென்று தீப்பற்றி எரிந்தது. இதில், வீட்டில் வைத்துஇருந்த டிவி, மிக்ஸி, கட்டில் ,பாத்திரங்கள் ஆவணங்கள் என வீட்டில் இருந்த பொருள்கள் அனைத்தும் எரிந்து நாசமாயின. இந்த தீ விபத்து குறித்து பாண்டியம்மாள் சிலைமான் போலீசில் புகார் செய்தார். போலீசார் வழக்குப் பதிவு செய்து இது குறித்து விசாரணை நடத்தி வருகின்றனர்.
மதுரையிலிருந்து நமது நிருபர்
திரு.ரவி
