தென்காசி: தமிழ்நாட்டில் நகர்புற உள்ளாட்சித் தேர்தல் வாக்குப்பதிவு 19.02.2022 அன்றும்,வாக்கு எண்ணிக்கை 22.02.2022 ம் தேதியும் நடைபெறவிருக்கிறது. இதனை முன்னிட்டு பதட்டமான பகுதிகள் மற்றும் வாக்குச்சாவடிகளில் பொதுமக்கள் எவ்வித அச்சுறுத்தலும் இல்லாமல் பாதுகாப்பாக இருப்பதை உணர்த்தும் வகையில் மாவட்ட காவல் கண்காணிப்பாளர் திரு. கிருஷ்ணராஜ் IPS அவர்களின் உத்தரவின் பேரில் கூடுதல் காவல் கண்காணிப்பாளர்கள்,துணைக் காவல் கண்காணிப்பாளர்கள் ஆகியோரின் தலைமையில் காவல் ஆய்வாளர்கள் சார்பு ஆய்வாளர்கள் மற்றும் காவல் ஆளிநர்கள் ஆகியோர் கலந்து கொண்ட கொடி அணிவகுப்பு நடைபெற்று வருகிறது.
இதேபோல் தென்காசி காவல் நிலைய எல்லைக்குட்பட்ட கூலக்கடை பஜாரிலிருந்து நடுபேட்டை,மவுன்ட் ரோடு ,வேம்படி பள்ளிவாசல் தெரு,கொடிமரம் வழியாக காசி விஸ்வநாதர் கோவில் வரை காவல் ஆய்வாளர் திரு.பாலமுருகன் அவர்களின் தலைமையிலும், கடையநல்லூர் காவல் நிலைய எல்லைக்குட்பட்ட கிருஷ்ணாபுரம் ரஹ்மானியாபுரம் கடையநல்லூர் மெயின் பஜார் மணிக்கூண்டு ஆகிய பகுதிகள் வழியாக காவல் ஆய்வாளர் திரு.விஜயகுமார் அவர்கள் தலைமையிலும் கொடி அணிவகுப்பு நடைபெற்றது.இக்கொடி அணிவகுப்பில் சார்பு ஆய்வாளர்கள் மற்றும் காவல் ஆளினர்கள் என அனைவரும் கலந்து கொண்டனர்..
