தொடர் திருட்டில் ஈடுபட்டவர் கைது

தென்காசி: தென்காசி மாவட்டம், கடையநல்லூர் அருகே பெட்டிக்கடைகளில் தொடர்ந்து பூட்டை உடைத்து,மர்ம நபர் ஒருவர் திருட்டில் ஈடுபட்டு வந்துள்ளார்.

இது தொடர்பாக சொக்கம்பட்டி காவல்துறையினர் வழக்குப்பதிவு செய்து விசாரணை நடத்தி வந்தனர்.இந்த நிலையில் 18 வயது வாலிபர் ஒருவர் தொடர் திருட்டில் ஈடுபட்டது தெரியவந்தது.

இதையடுத்து போலீசார் அந்த வாலிபரை கைது செய்து அவரிடம் மோட்டார் சைக்கிளையும் பறிமுதல் செய்தனர்.