திருவண்ணாமலை : தமிழ்நாடு காவல்துறை தலைமை இயக்குநர் முனைவர்.செ.சைலேந்திரபாபு,இ.கா.ப., அவர்கள், திருவண்ணாமலை மாவட்டத்தில் சைபர் கிரைம் காவல் நிலையத்தில் செல்போன்கள் காணாமல் போனதாக மற்றும் திருடுபோனதாக பதியப்பட்ட பல்வேறு வழக்குகளில் கண்டுபிடிக்கப்பட்ட செல்போன்களையும் உரிமையாளர்களிடம் வழங்கினார். மேலும் திருவண்ணாமலை குற்றப்பிரிவு காவல் நிலையத்தில் பதியப்பட்ட பல்வேறு குற்ற வழக்குகளில் கொள்ளையடிக்கப்பட்ட மற்றும் திருடப்பட்ட தங்க நகைகளை குற்றவாளிகளிடமிருந்து மீட்கப்பட்டு உரியவரிடம் வழங்கினார். சிறப்பான முறையில் பணியாற்றிய காவலர்களுக்கு பாராட்டு சான்றிதழினை வழங்கி சிறப்பித்து அவர்களை வெகுவாக பாராட்டினார். உடன் வடக்கு மண்டல காவல்துறை தலைவர் திரு.N.கண்ணன்.இ.கா.ப., மற்றும் திருவண்ணாமலை மாவட்ட காவல் கண்காணிப்பாளர் மரு.கி.கார்த்திகேயன்.இ.கா.ப. அவர்களும் இருந்தனர்.
