தர்மபுரி: நாடாளுமன்ற தேர்தலை முன்னிட்டு தர்மபுரி மாவட்ட காவல் துறை மற்றும் கர்நாடக மாநில காவல் துறையினரின் கொடி அணிவகுப்பு நடைபெற்றது. தர்மபுரி மாவட்டதில் வருகின்ற நாடாளுமன்ற தேர்தல் முன்னிட்டு மக்கள் அச்சமின்றி வாக்களிக்கவும், பொதுமக்களின் பாதுகாப்பை உறுதி செய்யும் விதமாகவும் தர்மபுரி மாவட்ட காவல் துறையினர் மற்றும் கர்நாடக மாநில காவல்துறையினர் இணைந்து கொடி அணிவகுப்பு நடைபெற்றது. இக்கொடி அணிவகுப்பானது பாலக்கோடு பகுதியின் முக்கிய சாலைகள் வழியே நடைப்பெற்றது.
