கோவை: கோவை சிங்காநல்லூர் பக்கம் உள்ள மசக்காளிபாளையம் அண்ணாநகரில் கேட்டரிங் சர்வீஸ் நடத்தி வருபவர் கிருஷ்ணராஜ் .தற்போது கொரோனா ஊரடங்கால் கேட்டரிங் சர்வீஸ் செயல்படவில்லை. இந்த நிலையில் அங்கு வைத்து சீட்டு விளையாடுவதாக பீளமேடு காவல் நிலையத்திற்கு தகவல் வந்தது. போலீசார் நேற்று இரவு அங்கு திடீர் சோதனை நடத்தினார்கள்.
அப்போது பணம் வைத்து சூதாடிய நரசிம்மநாயக்கன்பாளையம் 45கீரணத்தம் நடராஜ் 49 வெள்ளனூர் சுந்தரராஜ் 50 செட்டி வீதி ராஜா 34 சின்ன மேட்டுப்பாளையம் ரங்கநாதன் 59 பீளமேடு தண்ணீர்பந்தல் குணசேகரன் 44 ஆகியோர் கைது செய்யப்பட்டனர் .
கேட்டரிங் சர்வீஸ் அதிபர் கிருஷ்ணராஜ் தப்பி ஓடி விட்டார். அவர்களிடமிருந்து சீட்டாடபயன்படுத்தப்பட்ட 11 ஆயிரத்து 70 ரூபாய் பறிமுதல் செய்யப்பட்டது. மேலும் விசாரணை நடந்து வருகிறது.
