சாலையோரம் ஆக்கிரமித்திருந்த முட்புதர்களை அகற்றும் பணியில் ஈடுபட்ட காவல்துறையினர்.

திருநெல்வேலி: திருநெல்வேலி மாவட்டம் கூடங்குளம் காவல் நிலைய எல்லைக்குட்பட்ட தவசிப்பாறை வளைவு அருகே 07.08.2021 அன்று காரும், காய்கறி வண்டியும் மோதிக்கொண்டதில் இரு சிறுவர்கள் உயிரிழந்தனர்,

நான்கு  பேர் காயமடைந்தனர். தகவலறிந்த கூடங்குளம் காவல்துறையினர் சம்பவ இடத்திற்கு விரைந்து சென்று ஆறு பேரும் சிகிச்சைக்காக கூடங்குளம் அரசு மருத்துவமனைக்கு அனுப்பி வைக்கப்பட்டனர்.

இந்த விபத்து குறித்து கூடங்குளம் காவல் ஆய்வாளர் திரு.ஜான் பிரிட்டோ அவர்கள், விசாரணை மேற்கொண்டு வருகிறார்.மேலும் சம்பவ இடத்திற்கு வந்து பார்க்கும் போது சாலையின் வளைவு பகுதிகளில் அதிகமான முட் செடிகள் சாலையை ஆக்கிரமித்து இருப்பதால் இரண்டு திசையில் எதிரே வரும் வாகனங்கள் தெரியாமல் விபத்து ஏற்பட முட்செடிகளும் காரணமாக இருக்கும் என்பதால்  அவைகளை அகற்றும் படி காவல்துறையினருக்கு அறிவுறுத்தினார்.

இதன் அடிப்படையில் உதவி ஆய்வாளர் திரு.வினுகுமார், மற்றும்‌, காவலர்கள், சாலையின் ஓரத்தில்  ஆக்ரமித்திருந்த முட்செடிகளை JCB இயந்திரம் மூலம் இன்று காலை அகற்றினர். காவல்துறையினரின் இச்செயலை அப்பகுதியில் உள்ள வாகன ஓட்டுநர்கள் மற்றும் பொதுமக்கள் மிகவும் பாராட்டினர்.