சேலம்: சேலம் மாவட்டம்.மேட்டூர் அடுத்த கொளத்தூர், கும்பாரப்பட்டி வனப்பகுதி உள்ளது. இங்கு சட்ட விரோத கும்பல்கள் முகாமிட்டு கள்ள சாராயம் காய்ச்சுவதாக கொளத்தூர் போலீசாருக்கு தகவல் கிடைத்தது.
இதனையடுத்து கும்பாரப்பட்டி வனப்பகுதிக்கு சென்ற போலீசார் சோதனையில் ஈடுபட்டனர்.அப்போது கொளத்தூர் சுற்றுவட்டாரப் பகுதிகளை சேர்ந்த 5 பேர் கொண்ட கும்பல் சாராயம் காய்ச்சிக் கொண்டிருந்தது கண்டு பிடிக்கப்பட்டது.
.இவர்களை சுற்றி வளைத்த போலீசார் .இதில் ராஜி (55),மாது(56) ஆகியோரை கைது செய்தனர்.மேலும் தப்பி ஓடிய குருசாமி ,முருகேசன்,ரகு ஆகிய மூவரை போலீசார் தேடி வருகின்றனர்.
கும்பாரப்பட்டியில் நடந்த சாராய வேட்டையில் போலீசார் 600 லிட்டர் சாராய ஊரல் மற்றும் 60 லிட்டர் சாராயத்தை பறிமுதல் செய்து அழித்தனர்.