செங்கல்பட்டு: செங்கல்பட்டு மாவட்டம் நந்திவரம் பகுதியில் ருக்மணி சத்யபாபா சமேத வேணுகோபால பெருமாள் பஜனை கோவில் அமைந்துள்ளது. நேற்று காலை வழக்கம் போல் அர்ச்சகர் கோவிலை திறக்க வந்தபோது கோவிலில் வைக்கப்பட்டிருந்த உண்டியல் உடைக்கப்பட்டு சில்லறைகள் சிதறி கிடந்தன. இது குறித்து அந்த பகுதி மக்கள் கூடுவாஞ்சேரி போலீசாருக்கு தகவல் தெரிவித்தனர். உடனே போலீசார் சம்பவ இடத்துக்கு விரைந்து சென்று வழக்குப்பதிவு செய்து அந்த பகுதியில் உள்ள கண்காணிப்பு கேமராவில் பதிவான காட்சிகளை ஆய்வு செய்து வருகின்றனர்.
