திருவண்ணாமலை: திருவண்ணாமலை மாவட்ட காவல்துறையின் சார்பாக கடந்த 15.06.2021 முதல் 30.06.2021 வரை ஆன்லைன் வழியாக கொரோனா விழிப்புணர்வு குறும்படபோட்டி நடத்தப்பட்டது. இதில் பல்வேறு மாவட்டங்களிருந்து, குறும்பட இயக்குனர்கள் தங்களது குறும்படங்களை tvmpolice01@gmail.com-என்ற இ-மெயில் முகவரிக்கு அனுப்பினர்.
இதில் பெறப்பட்ட குறும்படங்களை மாவட்ட காவல் கண்காணிப்பாளர் திரு.அ.பவன் குமார் ரெட்டி,இ.கா.ப., அவர்களின் முன்னிலையில் ஆய்வு செய்யப்பட்டு, முறையே முதலிடத்திற்க்கு திரு.சௌ.ராமராஜன் த/பெ சௌந்தரராஜன், 60-173/04 அண்ணாநகர், வேட்டவலம், திருவண்ணாமலை மாவட்டம் என்பவரையும், இரண்டாவது இடத்திற்க்கு திரு.சே.மாரிமுத்து த/பெ சேகர்,146 வீரபத்திரன் கோவில் தெரு, தொரவி, விழுப்புரம் மாவட்டம் என்பவரையும், மூன்றாவது இடத்திற்க்கு திரு.சி.சூர்யா த/பெ சிவராமன், 14/18 வ.உ.சி நகர், 4-வது தெரு, திருவண்ணாமலை மாவட்டம் என்பவர்களின் குறும்படங்களை தேர்வு செய்யப்பட்டது.
தேர்வான குறும்பட இயக்குனர்களுக்கு திருவண்ணாமலை மாவட்ட காவல் கண்காணிப்பாளர் அவர்களின் கரங்களால் பாராட்டு சான்றிதழ் மற்றும் பாராட்டு கேடயம் வழங்கப்பட்டது. மேலும் இப்போட்டியில் கலந்து கொண்ட அனைவருக்கும் போட்டியில் கலந்துகொண்டமைக்கான பாராட்டு சான்றிதழ் வழங்கப்பட்டது.
