கோவை: கோவை குனியமுத்தூரில் உள்ள முத்து மாரியம்மன் கோவில் வீதியை சேர்ந்தவர் கோகுல கண்ணன் .இவரது மனைவி ஈஸ்வரி ( வயது 22 ) நேற்று இவர் வீட்டில் இருந்தபோது அவரது மாமனார் ராஜேந்திரன் வீட்டு பத்திரத்தை எடுத்து தருமாறு கேட்டார். ஈஸ்வரியின் கணவர் கொடுக்கக் கூடாது என்று கூறினார். இதனால் ஆத்திரமடைந்த மாமனார் ராஜேந்திரன் மருமகள் ஈஸ்வரியின் வயிற்றில் கத்தியால் குத்தினார். இதில் அவர் படுகாயம் அடைந்தார். சிகிச்சைக்காக கோவை அரசு மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இதுகுறித்து ஈஸ்வரி குனியமுத்தூர் காவல் நிலையத்தில் புகார் கொடுத்துள்ளார். இதன் பேரில் போலீசார் மாமனார் ராஜேந்திரனை நேற்று இரவு கைது செய்தனர் இவர் மீது . கொலை முயற்சி வழக்கு பதிவு செய்யப்பட்டுள்ளது.
