ஈரோடு: ஈரோடுமாவட்டம்,அந்தியூர் காவல் உதவி ஆய்வாளர் திரு.சண்முகம் மற்றும் போலீசார் நேற்று கெட்டிசமுத்திரம் ஏரிக்கரை பகுதியில் ரோந்து பணியில் ஈடுபட்டனர்.
அப்போது அந்த வழியாக வந்த ஒருவர் போலீசாரை கண்டதும் தப்பி ஓட முயற்சித்தார். அந்த நபரை போலீசார் மடக்கி பிடித்து விசாரணை நடத்தியபோது அவரிடம் கஞ்சா இருப்பது தெரிய வந்தது.
போலீசார் மேற்கொண்டு விசாரணை நடத்தியதில் அந்தியூர் அருகே உள்ள வள்ளலார் புரத்தைச் செந்தில்குமார் 36 என்பதும்,விற்பனைக்காக கஞ்சா கொண்டு செல்வதும் தெரிய வந்தது. இதையடுத்து போலீசார் செந்தில்குமாரை கைதி செய்து,அவரிடமிருந்த 100 கிராம் கஞ்சாவை பறிமுதல் செய்தனர்.
