ஈரோடு: ஈரோட்டில் டிவிஎஸ் வீதியில் நேற்று முன்தினம் சுமார் 55 வயது மதிக்கத்தக்க முதியவர் ஒருவரை தலையில் ரத்த காயங்களுடன் இறந்து கிடந்தார். இதுகுறித்து ஈரோடு டவுன் போலீசார் வழக்குப்பதிவு செய்து விசாரணை நடத்தினர்.
அப்போது சம்பவம் நடந்த இடத்தில் இருந்த சிசிடிவி காட்சிகளை ஆய்வு செய்தபோது அதில் ஒருவர் முதியவரின் தலையில் கல்லை போட்டு கொலை செய்வது பதிவாகியிருந்தது. போலீசார் நடத்திய விசாரணையில் முதியவரை கொலை செய்தது கன்னியாகுமரி மாவட்டத்தைச் சேர்ந்த கூலித் தொழிலாளி ஜெபா(40) என்பது தெரியவந்தது.இதையடுத்து அவரை பிடித்து போலீசார் நடத்திய விசாரணையில் நேற்று முன்தினம் மதுபோதையில் முதியவரின் தலையில் கல்லை போட்டு கொலை செய்ததை ஒப்புக்கொண்டார் .இதையடுத்து போலீசார் அவரை கைது செய்து சிறையில் அடைத்தனர்.
