தென்காசி: தென்காசி மாவட்டம், ஆலங்குளம் நத்தம் பகுதியில் நேற்று முன்தினம் இரவு சில இளைஞர்கள் மது போதையில் அங்குள்ள பெண்களிடம் தகராறில் ஈடுபட்டுள்ளனர். இதுகுறித்து தகவலறிந்த மற்றொரு தரப்பினர் அவர்களை கண்டித்துள்ளனர். இதனால் இரு தரப்பினரிடையே மோதல் ஏற்பட்டுள்ளது. இதில் ஒருவரை ஒருவர் சரமாரியாக தாக்கிக் கொண்டனர்.
இதுகுறித்து தகவலறிந்த ஆலங்குளம் போலீசார் சம்பவ இடத்திற்கு விரைந்து வந்து விசாரணை நடத்தினர். இது தொடர்பாக இரு தரப்பை சேர்ந்த ஆலங்குளத்தைச் சேர்ந்த 13 பேரை கைது செய்தனர்.
