முன்விரோதத்தில் மோதல் 4 பேர் கைது!
மதுரை : ஆரப்பாளையம் மஞ்சள் மேட்டு குறுக்கு தெருவை சேர்ந்தவர் விருமாண்டி (54), பெத்தானியாபுரம் மேட்டு தெருவை சேர்ந்தவர் சுந்தர் (54) இவர்களுக்கு இடையே பெண் காதல் தொடர்பான முன் விரோதம் இருந்து வந்தது. இந்த நிலையில் விருமாண்டியை வழிமறித்த சுந்தர் (54),சீனிவாசன் மகன் பாண்டியராஜன் (25) இவர்கள் விருமாண்டியை ஆபாசமாக பேசி மரக்கட்டையால் தாக்கியுள்ளனர். இந்த சம்பவம் குறித்து விருமாண்டி கரிமேடு போலீசில் புகார் செய்தார். போலீசார் வழக்கு பதிவு செய்து சுந்தர் ,பாண்டியராஜன் இருருவரையும் கைது செய்தனர். இந்த மோதல் தொடர்பாக பாண்டியராஜன் கொடுத்த புகாரில் போலீசார் வழக்கு பதிவு செய்து விருமாண்டி (54) முத்துராஜ் (48) இருவரையும் கைது செய்தனர் .இரு தரப்பிலும் மோதிக்கொண்டது தொடர்பாக போலீசார் நான்கு பேரை கைது செய்தனர்.
சிறுமி பலாத்காரம் வாலிபர் கைது!
யாகப்பாநகர் செல்வ விநாயகர் கோவில் தெருவை சேர்ந்தவர் செல்வ முருகன் மகன் வசந்த் (27) இவர் சிறுமி ஒருவரை பலவந்தமாக பலாத்காரம் செய்துள்ளார். இந்த சம்பவம் குறித்து சிறுமியின் பாட்டி தல்லாகுளம் அனைத்துமகளிர் காவல் நிலையத்தில் புகார் செய்தார். போலீசார் வழக்கு பதிவு செய்து சிறுமியை பலாத்காரம் செய்த வாலிபர் வசந்தை கைது செய்தனர்.
இளம் பெண் தூக்கு போட்டு தற்கொலை!
செல்லூர் அருள்தாஸ் புரம் அய்யனார் கோவில் இரண்டாவது தெருவை சேர்ந்தவர் தனராஜ் மனைவி சித்ரா (32) இவருக்கு திருமணமானது முதல் குழந்தை இல்லை .இதனால் மன கவலையாக இருந்து வந்தார். இதன் காரணமாக வீட்டில் தூக்கு போட்டு தற்கொலை செய்து கொண்டார். இந்த சம்பவம் குறித்து அவருடைய அம்மா மாரியம்மாள் செல்லூர் போலீசில் புகார் செய்தார் .போலீசார் வழக்கு பதிவு செய்து இளம் பெண் சித்ராவின் தற்கொலைக்கான காரணம் குறித்து விசாரணை நடத்தி வருகின்றனர்.
சோதனையின் போது ஆட்டோ டிரைவர் கைது!
தெப்பக்குளம் போக்குவரத்து காவல் இன்ஸ்பெக்டர் தங்கமணி. இவர் காமராஜர் சாலை குருவிக்காரன் சாலை சிக்னலில் வாகனங்களை சோதனை செய்து கொண்டிருந்தார். அப்போது திருப்பாலை ஓடைகரை தெருவை சேர்ந்த செந்தில்குமார் (46), என்பவர் ஓட்டிச் சென்ற ஆட்டோவை சோதனை செய்தார். அவரிடம் முறையான ஆவணங்கள் இல்லை என்று அவருக்கு அபராதம் விதித்தார். இதனால் ஆத்திரமடைந்த செந்தில்குமார் இன்ஸ்பெக்டர் தங்கமணியை அவதூறாக பேசி தகராறு செய்துள்ளார். இந்த சம்பவம் குறித்து போக்குவரத்து ஆய்வாளர் தங்கமணி கொடுத்த புகாரில் தெப்பக்குளம் போலீசார் வழக்கு பதிவு செய்து ஆட்டோ டிரைவர் செந்தில்குமாரை கைது செய்தனர்.
வாலிபரிடம் செல்போன் பறிப்பு, மூன்று சிறுவர்கள் கைது!
அண்ணா நகர் எஸ் எம் பி காலனியை சேர்ந்தவர் இருளப்பன் மகன் அருண்குமார் (37) இவர் வைகை தென்கரையில் சென்று கொண்டிருந்தார். அவரை மூன்று சிறுவர்கள் வாலிமறித்து மிரட்டி அவரிடம் இருந்த செல்போனை பறித்து சென்று விட்டனர். இந்த சம்பவம் குறித்து அருண்குமார் தெப்பக்குளம் போலீசில் புகார் செய்தார். போலீசார் வழக்கு பதிவு செய்து அவரிடம் செல்போன் பறித்த , 14, 16 ,17, வயதுடைய 3 சிறுவர்களை கைது செய்தனர்.
மதுரையிலிருந்து நமது நிருபர்
திரு.ரவி
