ஈரோடு: கோபி கடத்தூர் காவல் ஆய்வாளர் சண்முகவேல் தலைமையில் போலீசார் வாகன சோதனையில் ஈடுபட்டனர். அப்போது அந்த வழியாக வந்த ஆம்னி காரை நிறுத்தி சோதனை செய்தனர்.அதில் காரினுள் பெட்டி பெட்டியாக கர்நாடக மாநில மது பாட்டில்களை வைத்து இருப்பது கண்டுபிடிக்கப்பட்டது.
இதையடுத்து போலீசார் விசாரணை நடத்தியதில் கூடக்கரை தொட்டியபாளையத்தை சேர்ந்த சம்பத்குமார் (வயது 42) என்பதும், திருட்டு தனமாக விற்க கர்நாடகாவில் இருந்து மதுபாக்கெட்டுகளை காரில் கடத்தி வந்ததும் தெரியவந்தது. இதைத்தொடர்ந்து போலீசார் சம்பத்குமாரை கைது செய்து அவரிடம் இருந்து 192 மதுபாக்கெட்டுகளை பறிமுதல் செய்தனர்.
