விருதுநகர் : விருதுநகர் மாவட்டம், காரியாபட்டி ஒன்றியத்தில் அரசு மற்றும் தனியார் பள்ளிகள், பொதுநல அமைப்புக்கள் சார்பாக காமராஜர் பிறந்தநாள் விழா கொண்டாடப் பட்டது. அமலா தொடக்கப் பள்ளியில் காமராஜர் பிறந்தநாள் விழா நடைபெற்றது. தலைமை ஆசிரியர் தலைமை வகித்தார் விழாவில் சிறப்பு விருந்தினராக பேரூராட்சி தலைவர் ஆர்.கே.செந்தில் கலந்துகொண்டு மாணவர்களுக்கு கல்வி உபகரணங்கள் மற்றும் பரிசுகள் பொருட்கள் வழங்கினார். நிகழ்ச்சியில் மாணவர்கள் சார்பாக பல்வேறு கலை நிகழ்ச்சிகள் நடைபெற்றது. காரியாபட்டி – பி. புதுப்பட்டி அரசு மேல்நிலைப்பள்ளியில் காமராஜர் பிறந்தநாள் விழா நடைபெற்றது. தலைமை ஆசிரியர் ஜெயராணி முன்னிலையில் மாணவர்கள், ஆசிரியர்கள் காமராசர் படத்திற்கு மலர்தூவி மரியாதை செய்தனர் மாணவர்களின் பல்வேறு கலைநிகழ்ச்சி கள் நடைபெற்றது. காரியாபட்டி சுரபி உண்டு உறைவிடப் பள்ளியில் காமராஜர் பிறந்தநாளை முன்னிட்டு கல்வி வளர்ச்சி நாள் நடைபெற்றது விழாவுக்கு சுரபி நிறுவனர் விக்டர் தலைமை வகித்தார். நிகழ்ச்சியல் கட்டுரை, பேச்சு, கவிதை மற்றும் ஒவியப் போட்டிகளில் வெற்றிபெற்ற மாணவர்களுக்கு எஸ்.பி எம்.டிரஸ்ட் நிறுவனர் அழகர்சாமி பரிசுகள் வழங்கினார் ஜனசக்தி பவுண்டேசன் நிறுவனர் சிவக்குமார் மற்றும் பள்ளி ஆசிரியர்கள் உள்ளிட்ட பலர் கலந்துகொண்டனர்.
மதுரையிலிருந்து நமது நிருபர்
திரு.ரவி
