ஈரோடு : அம்மாபேட்டை காவல் ஆய்வாளர் கிருஷ்ணமூர்த்தி தலைமையிலான போலீசார் அம்மாபேட்டை அடுத்த குருவரெட்டியூர் அருகேயுள்ள ஜோதிபுரம் பகுதியில் ரோந்து பணியில் ஈடுபட்டனர்.
அப்போது அங்கு உள்ள சுடுகாட்டு பகுதியில் ஒருவர் சட்டவிரோதமாக மது விற்பனையில் ஈடுபட்டு கொண்டிருந்தது தெரியவந்தது. இதையடுத்து போலீசார் அவரை பிடித்து விசாரணை நடத்தினர். விசாரணையில் ஜோதிபுரம் பகுதியை சேர்ந்த முத்துவின் மகன் ராஜ்குமார்(26) எம்சிஏ பட்டதாரி. இவர் அப்பகுதியில் சட்டவிரோதமாக மது விற்பனையில் ஈடுபடுவதற்காக பெட்டி பெட்டியாக மதுபாட்டில்களை வாங்கி பதுக்கி வைத்திருப்பது தெரிய வந்தது.
இதையடுத்து போலீசார் ராஜ்குமாரை கைது செய்து அவர் பதுக்கி வைத்திருந்த ரூ.2½ லட்சம் மதிப்பிலான மது பாட்டில்களை பறிமுதல் செய்தனர்.
