அதலை ஊராட்சியில் உறுப்பினர் சேர்க்கை முகாம்

மதுரை :  மதுரை மாவட்டம், அலங்காநல்லூர் அருகே உள்ள அதலை ஊராட்சியில் அதிமுக சார்பில் உறுப்பினர் சேர்க்கை முகாம் நடைபெற்றது இந்த முகாமில் ஒன்றிய பொறுப்பாளர் அரியூர் ராதாகிருஷ்ணன், தலைமை தாங்கினார். பொதும்பு கூட்டுறவு வங்கி தலைவர் மலர்கண்ணன், முன்னிலை வகித்தார் பொதும்பு அதிமுக கிளை செயலாளர் சாமிநாதன், வரவேற்புரையாற்றினார். இதில் சிறப்பு விருந்தினரும் திருமங்கலம் தொகுதி சட்டமன்ற உறுப்பினருமான ஆர்.பி. உதயகுமார் கலந்துகொண்டு உறுப்பினர் சேர்க்கை முகாமை தொடங்கி வைத்து சிறப்புரை ஆற்றினார். அவர் பேசியது கடந்த அதிமுக ஆட்சியில் மக்களுக்கு பல்வேறு சலுகைகள் பல்வேறு திட்டங்கள் செயல்படுத்தப்பட்டன ஆனால் நடைபெற்றுக் கொண்டிருக்கும் திமுக ஆட்சியில் தமிழக முதல்வர் மு.க.ஸ்டாலின் டாஸ்மார்க் கடையை படிப்படியாக குறைப்பேன் என்று சொல்லி ஆட்சிக்கு வந்தார். ஆனால் ஆட்சிக்கு வந்த பின்னர் திருமண மண்டபங்கள் மற்றும் விளையாட்டு மைதானங்களில் மதுபானங்கள் விற்க இந்த அரசு அனுமதி அளிக்கும் என்று கூறி வருகிறார். பொய் சொல்லி வாக்கு கேட்டு ஆட்சிக்கு வந்த இவர்கள் கடந்த இரண்டு ஆண்டுகளாக எந்த ஒரு திட்டங்களையும் செயல்படுத்தவில்லை மாறாக மக்களை துன்பப்படுத்தும் செயல்களை தான் செய்து வருகின்றனர்.

அரசு அதிகாரிகளுக்கும் இந்த ஆட்சியில் நிம்மதியாக பணி செய்ய முடியவில்லை, உதாரணத்துக்கு கூற வேண்டும் என்றால் தூத்துக்குடியில் கிராம நிர்வாக அலுவலர் தனது அலுவலகத்துக்குள்ளையே ரவுடிகளால் வெட்டி படுகொலை செய்யப்பட்டார். ஆனால்
மு.க.ஸ்டாலின் சொல்கிறார் இந்த ஆட்சியில் கொலை மற்றும் கொள்ளை நடைபெறவில்லை என்று வாய் கூசாம பொய் சொல்லி வருகிறார். இவரின் இந்த செயலுக்கு மக்கள் தகுந்த பாடத்தை தேர்தல் நேரங்களில் புகட்ட வேண்டும் வரும் 2024 ஆண்டு நடைபெற உள்ள நாடாளுமன்றத் தேர்தலில் 40 தொகுதிகளிலும் மாண்புமிகு சேலத்து சிங்கம் கழகப் பொதுச் செயலாளர் எடப்பாடி பழனிச்சாமி தலைமையில் அனைத்து தொகுதிகளிலும் மகத்தான வெற்றி பெறுவோம் ஏனென்றால், நாங்கள் செல்லும் இடங்களில் எல்லாம் பொதுமக்கள் எங்களிடம் வந்து கடந்த அதிமுக ஆட்சியில் எங்களுக்கு கொடுத்துக் கொண்டிருந்த முதியோர் உதவித்தொகை தற்போது நிறுத்தி விட்டதாகவும் மற்றும் மின்சாரம் மற்றும் வீட்டு வரி அதிகமாக வசூலிப்பதாகவும் எங்கள் கிராமங்களுக்கு சரியான முறையில் பஸ் வசதி செய்து தரவில்லை என்றும் கூறி புலம்பி வருகின்றனர். இப்போதே எங்களின் இரட்டை இலை சின்னம் வெற்றி தெரிய ஆரம்பித்து விட்டது இதே போன்று வருகின்ற தேர்தல்களிலும் மகத்தான வெற்றியை பெறுவோம் என்று கூறினார் இந்த நிகழ்ச்சியில் மாநில அம்மா பேரவை வெற்றிவேல், மாவட்ட பொருளாளர் திருப்பதி, மாவட்ட மகளிர் அணி துணைச் செயலாளர் பாண்டியம்மாள், முன்னாள் சட்டமன்ற உறுப்பினர் கருப்பையா, ஒன்றிய கவுன்சிலர்கள் அம்முலோகேஸ்வரன், ஜெகதாராதாகிருஷ்ணன், சிறுவாலை ஊராட்சி ஊராட்சி மன்ற தலைவர் பாண்டியம்மாள்ராஜு, பொதும்பு கூட்டுறவு துணைத் தலைவர் ராகுல், மற்றும் ஒன்றிய செயலாளர் கொரியர் கணேசன், வாடிப்பட்டி யூனியன் சேர்மன் மகாலெட்சுமிராஜேஷ் கண்ணா, அதிமுக பேரூர் செயலாளர் அசோக்குமார், பேரூர் மாவட்ட பிரதிநிதி |, உள்ளிட்ட மாவட்ட ஒன்றிய கிளைக் கழக நிர்வாகிகள் கலந்து கொண்டனர்.

மதுரையிலிருந்து நமது நிருபர்