தென்காசி: தென்காசி மாவட்டம், சின்ன கோவிலாங்குளம் காவல் நிலைய எல்லைக்குட்பட்ட பெரியசாமிபுரத்தில் அமைந்துள்ள ஸ்ரீ பாரத் கண்ணா மெட்ரிகுலேஷன் பள்ளியில் சிறுவர்கள் முதல் பெரியவர்கள் வரை மொத்தம் 25 பிரிவுகளாக மாபெரும் மாரத்தான் போட்டி (25.08.2024) நடைபெற்றது. இந்நிகழ்ச்சியை சீரும் சிறப்புமாக நடத்த தென்காசி மாவட்ட காவல் கண்காணிப்பாளர் திரு.V.R.ஶ்ரீனிவாசன் அவர்களின் உத்தரவின் பேரில் பயிற்சி துணை காவல் கண்காணிப்பாளர் திரு.தமிழினியன் அவர்களின் தலைமையில் மாரத்தான் போட்டி சீரும் சிறப்புமாக நடைபெற்றது. இந்நிகழ்ச்சியில் ஊத்துமலை காவல் ஆய்வாளர் திரு. செந்தில் மாறன் அவர்கள் மற்றும் சின்ன கோவிலாங்குளம் காவல் நிலைய சார்பு ஆய்வாளர் திரு. கணபதி செல்வம் மற்றும் காவலர்கள் கலந்து கொண்டனர். மேலும் இந்நிகழ்ச்சியில் பங்கு பெற்று கொண்ட மாணவ மாணவிகளுக்கு சாலை விழிப்புணர்வு, சைபர் குற்றங்கள், pocso குறித்த விழிப்புணர்வுகள் செய்யப்பட்டு வெற்றி பெற்ற நபர்களுக்கு பாராட்டுக்கள் மற்றும் பரிசுகள் வழங்கப்பட்டது.
இந்நிகழ்ச்சியின் சிறப்பம்சமாக பயிற்சி துணை காவல் கண்காணிப்பாளர் திரு.தமிழினியன் அவர்கள் மற்றும் ஊத்துமலை காவல் ஆய்வாளர் திரு.செந்தில் மாறன் ஆகியோர் இந்த மாரத்தான் பந்தயத்தில் கலந்துகொண்டு ஓடியது மாணவர்கள் மற்றும் அப்பகுதி பொதுமக்கள் மற்றும் சமூக ஆர்வலர்கள் மத்தியில் பெரும் உற்சாகத்தை ஏற்படுத்தியது.
