சென்னை: சென்னை பெருநகர காவல் ஆணையாளர் திரு.சங்கர் ஜிவால், இ.கா.ப., அவர்களின் ‘‘புகையிலை பொருட்கள் ஒழிப்புக்கான நடவடிக்கை‘‘ (DABToP -Drive Against Banned Tobacco Products) மூலம் சிறப்பு சோதனைகள் மேற்கொள்ள உத்தரவிட்டதன்பேரில், கூடுதல் ஆணையாளர்கள் அறிவுரையின்பேரில், இணை ஆணையாளர்கள் ஆலோசனையின்பேரில், துணை ஆணையாளர்கள் கண்காணிப்பில், உதவி ஆணையாளர்கள் மேற்பார்வையில். காவல் ஆய்வாளர்கள் தலைமையிலான தனிப்படை அமைக்கப்பட்டு, தங்களது காவல் நிலைய எல்லைகளில் தீவிரமாக கண்காணித்து, கஞ்சா மற்றும் போதை பொருட்கள் விற்பனை செய்பவர்களை கைது செய்து நடவடிக்கை எடுத்து வருகின்றனர்.
இதன் தொடர்ச்சியாக காவல் ஆய்வாளர்கள் தலைமையிலான தனிப்படையினர் கடந்த 03.04.2022 முதல் 09.04.2022 வரையிலான 7 நாட்கள் தீவிர கண்காணிப்பில் ஈடுபட்டு, தடை செய்யப்பட்ட புகையிலைப் பொருட்கள் கடத்தி வருதல் மற்றும் பதுக்கி வைத்து விற்பனை செய்தது தொடர்பாக 41 வழக்குகள் பதிவு செய்யப்பட்டு 57 குற்றவாளிகள் கைது. 1,440 கிலோ 521 கிராம் எடை கொண்ட குட்கா புகையிலை பாக்கெட்டுகள், 38 கிலோ 760 கிராம் மாவா, ரொக்கம் ரூ.2,24,800/-, 3 இருசக்கர வாகனங்கள், 1 ஆட்டோ மற்றும் 5 கார்கள் பறிமுதல் செய்யப்பட்டது . இதில் குறிப்பிடும் படியாக, ஓட்டேரி காவல் நிலைய ஆய்வாளர் தலைமையிலான காவல் குழுவினர் கடந்த 07.04.2022 அன்று அதிகாலை ஓட்டேரி, குட்பெட் பள்ளம் முதல் தெருவில் கண்காணிப்பு பணியிலிருந்த போது, அங்கு.
சந்தேகத்திற்கிடமாக 2 கார்கள் மற்றும் 1 இருசக்கர வாகனத்தில் வந்த 4 நபர்களிடம் விசாரணை செய்து கார்களை சோதனை செய்த போது காரில் பெருமளவு குட்கா புகையிலைப் பொருட்களை பதுக்கி வைத்திருந்தது தெரியவந்தது.
அதன் பேரில் காரில் குட்கா புகையிலைப்பொருட்களை கடத்தி வந்த 1) ஹரிராம் (வ/32) ஓட்டேரி 2) ஹரிஹரன் (வ/22) ஓட்டேரி 3) தங்கராஜ் (வ/63) அம்பத்தூர் 4) மாரிமுத்து (வ/22) கள்ளிக்குப்பம் ஆகிய 4 நபர்களை கைது செய்தனர்.
அவர்களிடமிருந்து 518 கிலோ எடை கொண்ட ஹான்ஸ், எம்.டி.எம், கூலிப், ஸ்வாகத் உள்ளிட்ட குட்கா புகையிலை பாக்கெட்டுகள், 2 கார்கள் மற்றும் 1 இருசக்கர பறிமுதல் செய்யப்பட்டது. மேலும், சூளைமேடு காவல் நிலைய ஆய்வாளர் தலைமையிலான காவல் குழுவினருக்கு கிடைத்த ரகசிய தகவலின் பேரில், காவல் குழுவினர் 07.04.2022 அன்று அரும்பாக்கம், 100 அடி சாலை, மெட்ரோ இரயில் நிலையம் அருகே கண்காணித்த போது அங்கு இருசக்கர வாகனத்தில் குட்கா புகையிலை பாக்கெட்டுகள் பதுக்கி வைத்திருந்த 1) ஜலீல் முகைதீன் (வ/40) அரும்பாக்கம் என்பவரை கைது செய்தனர்.
