திருநெல்வேலி : பதவி உயர்வு பெற்ற சிறப்பு உதவி ஆய்வாளர்களுக்கு பாராட்டு. தமிழக காவல்துறையில் 25 ஆண்டுகாலம் பணி பூர்த்தியானவர்களுக்கு சிறப்பு உதவி ஆய்வாளராக பதவி உயர்வு அளிக்கப்பட்டுள்ளது. இதன்படி திருநெல்வேலி மாவட்டத்தில் 28 ஆண்கள் மற்றும் 12 பெண்கள் உட்பட 40 தலைமை காவலர்களுக்கு சிறப்பு உதவி ஆய்வாளராக பதவி உயர்வு அளித்து திருநெல்வேலி சரக காவல்துறை துணை தலைவர் திரு.பிரவேஷ் குமார், இ.கா.ப., அவர்கள் உத்தரவிட்டுள்ளார். பதவி உயர்வு பெற்ற 40 சிறப்பு உதவி ஆய்வாளர்கள் திருநெல்வேலி மாவட்ட காவல் கண்காணிப்பாளர் திரு.சரவணன், இ.கா.ப., அவர்களை நேரில் சந்தித்து வாழ்த்துகளை பெற்றனர். அப்போது மாவட்ட காவல் கண்காணிப்பாளர் அவர்கள் அனைவருக்கும் வாழ்த்துக்களை தெரிவித்து கொண்டதோடு வருங்காலங்களில் மேலும் சிறப்பான முறையில் பணியாற்ற வேண்டும் என அறிவுரைகளை வழங்கினார்.
