நெல்லை: நெல்லை மதுரை ரோட்டில் ரேஷன் அரிசி கடத்தப்படுவதாக கிடைத்த தகவலின் பேரில் காவல் ஆய்வாளர் திரு.தியாகராஜன், காவல் உதவி ஆய்வாளர் .திரு.மகேஸ்வரன் தலைமையிலான போலீசார் சம்பவ இடத்திற்கு சென்று வாகன சோதனையில் ஈடுபட்டனர்.
அப்போது அவ்வழியாக வந்த மினி லாரி லோடு ஆட்டோவை தடுத்து நிறுத்தி சோதனை செய்தனர்.அப்போது சாக்கு மூட்டைகளில் ரேஷன் அரிசி அடுக்கி வைக்கப் பட்டிருப்பது கண்டுபிடிக்கப்பட்டது.26 டன் ரேஷன் அரிசி லாரியை போலீசார் பறிமுதல் செய்தனர்.
மேலும் ரேஷன் அரிசியை கடத்த முயன்றதாக அரிசி ஆலை உரிமையாளர் திம்மராஜபுரத்தை சேர்ந்த கருத்தப்பாண்டி(42),கொம்பையா(31),தங்கப்பாண்டி(34),மேலப்பாளையம் நாகம்மாள்புரத்தைச் சேர்ந்த சிவபாலன்(42), உத்தம பாண்டியன் குளத்தைச் சேர்ந்த மகாராஜன்(40) ஆகிய 5 பேரையும் கைது செய்தனர்.