நெல்லை: நெல்லை மாவட்டம்,உவரி நேதாஜி தெருவை சேர்ந்தவர் அலங்காரம் இவரது மனைவி விணோளி 51. இவர்களது வீட்டில் ரேஷன் அரிசி பதுக்கி வைக்கப்பட்டிருப்பதாக உவரி காவல்துறையினருக்கு தகவல் கிடைத்தது.
உடனே சம்பவ இடத்திற்கு விரைந்த காவல் ஆய்வாளர் திருமதி.செல்வி காவல் உதவி ஆய்வாளர் திரு.முருகன் தலைமையிலான போலீசார் அவர்கள் வீடு மற்றும் அப்பகுதியில் சோதனை நடத்தினர்.
இதில் அவர்கள் 298 மூட்டைகளில் சுமார் 15 டன் ரேஷன் அரிசியை பதுக்கி வைத்திருப்பது தெரியவந்தது. விணோளி மீது ஏற்கனவே ரேஷன் அரிசி கடத்தல் வழக்கு விசாரணையில் உள்ளது குறிப்பிடத்தக்கது.