தஞ்சை: தஞ்சை புதிய பேருந்து நிலையம் அருகே காவல்துறையினர் வாகன சோதனையில் ஈடுபட்டிருந்த போது, அந்த வழியே வந்த ஒரத்தநாடு ஆழிவாய்க்கால் பகுதியை சேர்ந்த அருண்குமார் என்பவரின் இரு சக்கர வாகனத்தை நிறுத்தி சோதனை செய்த போது,
அவரிடம் தடை செய்யப்பட்ட பான்மசாலா, குட்கா உள்ளிட்ட பொருட்கள் இருப்பது கண்டறியப்பட்டது. உடனடியாக தஞ்சை மருத்துவகல்லூரி காவல்துறையினர் அவரை கைது செய்து அவரிடம் விசாரணை மேற்கொண்டதில் அவரிடம் இருந்து 1.5 லட்சம் மதிப்புடைய சுமார் 135 கிலோ குட்கா உள்ளிட்ட பொருள்கள் பறிமுதல் செய்யப்பட்டுள்ளது.