திருநெல்வேலி: திருநெல்வேலி மாவட்டம் பழவூர் அருகே விஸ்வநாதபுரம், நரிப்பாறை காலனி தெருவை சேர்ந்தவர் ராமர் (68). இவருக்கும் அதே ஊரைச் சேர்ந்த முருகன் (எ) நரிப்பாறை முருகன் (45). என்பவருக்கும் இருந்த முன்விரோதம் காரணமாக முருகன் ராமரை கடந்த 2012 ஆம் ஆண்டு அரிவாளால் தாக்கி கொலை மிரட்டல் விடுத்துள்ளார். இது குறித்து பழவூர் காவல்துறையினர் கொலை முயற்சி வழக்கில் முருகன் (எ) நரிப்பாறை முருகனை கைது செய்து சிறையில் அடைத்தனர்.
இவ்வழக்கு விசாரணை வள்ளியூர் சார்பு நீதிமன்றத்தில் நடைபெற்று வந்த நிலையில், (17.03.2025)- அன்று இவ்வழக்கை விசாரித்து வந்த வள்ளியூர் சார்பு நீதிமன்றம் முருகனுக்கு 12 ஆண்டுகள் சிறை தண்டனை மற்றும் அபராதம் விதித்து தீர்ப்பளித்தது. இவ்வழக்கில் திறம்பட புலன் விசாரணை செய்து சாட்சிகளை விரைவாக நீதிமன்றத்தில் ஆஜர்படுத்தி குற்றவாளிக்கு தண்டனை பெற்று கொடுத்த வள்ளியூர் துணை காவல் கண்காணிப்பாளர், வெங்கடேஷ் மற்றும் காவல் துறையினரை திருநெல்வேலி மாவட்ட காவல் கண்காணிப்பாளர் N. சிலம்பரசன்,இ.கா.ப., வெகுவாக பாராட்டினார்.
திருநெல்வேலியில் இருந்து நமது குடியுரிமை நிருபர்
சண்முகநாதன்
