திண்டுக்கல் : திண்டுக்கல் மாவட்டத்தில் தனியாக இருக்கும் வீடுகளை நோட்டமிட்டு மிகப்பெரிய அளவில் கொள்ளை நடப்பது தொடர்கதையாகி வருகிறது. கடந்த ஆண்டு ஒட்டன்சத்திரத்தில் டாக்டர் குடும்பத்தினரை கட்டிப் போட்டு அவரது வீட்டில் இருந்த 100 பவுன் நகை, ரூ.50 லட்சம் ரொக்கம், கார் ஆகியவை கொள்ளையடிக்கப்பட்டது. பழனி அண்ணாநகரைச் சேர்ந்தவர் உதயகுமார் (55), இவர் பழனி அரசு ஆஸ்பத்திரியில் தலைமை மருத்துவராக பணிபுரிந்து வருகிறார். இவருக்கு ரேவதி (50) என்ற மனைவியும் ஒரு மகளும் உள்ளனர். மகள் சென்னையில் உள்ள கல்லூரியில் படித்து வருகிறார். இதன் காரணமாக அவரது மனைவி கடந்த சில தினங்களுக்கு முன்பு மகளைப் பார்க்க சென்னைக்கு சென்று விட்டார். உதயகுமார் மட்டும் வீட்டில் தனியாக இருந்து வந்த நிலையில் நேற்று அரசு ஆஸ்பத்திரியில் பணியை முடித்து விட்டு வீட்டில் தூங்கச் சென்றார். இன்று அதிகாலை 3 மணியளவில் அவரது வீட்டுக்குள் முகமூடி அணிந்த 3 கொள்ளையர்கள் உள்ளே புகுந்தனர். இதனால் திடுக்கிட்டு எழுந்த உதயகுமார் சத்தம் போட முயன்ற போது அவரை சேரில் வைத்து கட்டிப் போட்டு கத்தியால் குத்திவிட்டு திருடி சென்றார்.
திண்டுக்கல்லில் இருந்து நமது குடியுரிமை நிருபர்.
