வாகன சோதனையில் போதை கடத்தியவர்கள் கைது!

திண்டுக்கல் : திண்டுக்கல் மாவட்டம், அம்மையநாயக்கனூர் போலீஸ் இன்ஸ்பெக்டர் திருமதி.சண்முகலட்சுமி, சப்-இன்ஸ்பெக்டர் திரு.விஜய பாண்டியன் மற்றும் போலீசார் நேற்று வாகன சோதனையில்  ஈடுபட்டனர். அப்போது  அங்கு வந்த ஒரு ஆட்டோவை நிறுத்தி சோதனை செய்தனர். ஆட்டோவில் 1 கிலோ 100 கிராம் கஞ்சா கடத்தி செல்வது கண்டுபிடிக்கப்பட்டது. அதனை போலீசார் பறிமுதல் செய்தனர். பின்னர் அந்த ஆட்டோவில் வந்த 2 பேரை பிடித்து விசாரணை நடத்தினர். அவர்கள் ஒட்டன்சத்திரத்தை அடுத்த கொல்லம்பட்டியை சேர்ந்த ரமேஷ்குமார்  (40) ராஜா (42) என்பது தெரியவந்தது. இருவரையும் கைது செய்து மேலும் ஆட்டோவும் பறிமுதல் செய்யப்பட்டது.

திண்டுக்கல்லில் இருந்து நமது குடியுரிமை நிருபர்.