சேலம் : ஆத்துார், கோட்டை, அம்மன் நகரை சேர்ந்தவர் தனபால், (40), மூங்கில் வியாபாரியான இவர், நேற்று மாலை, 6:30 மணிக்கு, டி.வி.எஸ்., – எக்ஸ்.எல்., மொபட்டில், ஆத்துார் புறவழிச்சாலையில், தென்னங்குடிபாளையம், ஏரி பகுதியையொட்டி, சென்று கொண்டிருந்தார். அப்போது, அடையாளம் தெரியாத வாகனம் மோதியது.
அதில், தனபால் சம்பவ இடத்தில் உயிரிழந்தார். இறந்த தனபாலுக்கு, 4 மாதங்களுக்கு முன், தான் திருமணமானது. அவரது மனைவி, 3 மாதகர்ப்பமாக உள்ளார். ஆத்துார் டவுன் காவல் துறையினர், விசாரிக்கின்றனர்.
