திருநெல்வேலி: திருநெல்வேலி மாவட்டம், வி.கே.புரம் காவல் நிலைய சரகத்திற்குட்பட்ட கோடாரங்குளம், நாராயணசாமி கோவில் தெருவை சேர்ந்த சந்திரன் (62). என்பவர் (12.09.2024) அன்று தனது நண்பரின் வீட்டின் அருகே இருசக்கர வாகனத்தை நிறுத்தி விட்டு சென்றுள்ளார். பின்பு வந்து பார்த்த போது நிறுத்தி இருந்த இடத்தில் இருசக்கர வாகனத்தை காணவில்லை. இது குறித்து சந்திரன் வி.கே.புரம் காவல் நிலையத்தில் அளித்த புகாரின் அடிப்படையில் உதவி ஆய்வாளர், சிவா வழக்கு பதிவு செய்து விசாரணை மேற்கொண்டதில் கோடாரங்குளம், சங்கரன்கோவில் மெயின் ரோடு பகுதியை சேர்ந்த சுப்பிரமணியன் (27). என்பவர் இருசக்கர வாகனத்தை திருடியது தெரிய வந்ததையடுத்து உதவி ஆய்வாளர் சுப்பிரமணியனை (23.09.2024) இன்று கைது செய்து இருசக்கர வாகனத்தை பறிமுதல் செய்து நடவடிக்கை மேற்கொண்டுள்ளார்.
திருநெல்வேலியில் இருந்து நமது குடியுரிமை நிருபர்
சண்முகநாதன்
