கன்னியாகுமரி : கன்னியாகுமரி மாவட்டம், சுசீந்திரத்தில், நேற்று சித்ரா பவுர்ணமியை முன்னிட்டு, பொதுமக்கள் பலர் வழிபாட்டு தலங்களுக்கு சென்ற வண்ணம் இருந்தனர். இதனால், சுசீந்திரம் பை -பாஸ் ரோட்டில் போக்குவரத்து நெரிசல் கடுமையாக இருந்தது. இந்நிலையில், மயிலாடியைச் சேர்ந்த முத்துசாமி, (28), ராமன்புதுார் சரபோஜி, (27), மற்றும் அடையாளம், தெரியாத நபர் என மூவர், பைபாஸ் ரோட்டில் ‘பஜாஜ் டிஸ்கவர்’ பைக்கில் சென்றனர்.
இவர்கள் ‘ஹெல்மெட்’ அணியாத நிலையில், முன்னாள் சென்ற வாகனத்தை, முந்திச் செல்ல முயன்றனர். அப்போது, எதிரேவந்த ‘டாடா மேக்சி கேப்’வேன் மீது பைக் மோதியதில் மூவரும், சம்பவ இடத்திலேயே பரிதாபமாக பலியாகினர். சுசீந்திரம் காவல்துறையினர், வழக்குப் பதிந்து விசாரணை நடத்தி வருகின்றனர்.
