அரியலூர் : அரியலூர் மாவட்டம், ஆண்டிமடம் அருகே உள்ள தஞ்சாவூரான் சாவடி கிராமத்தை சேர்ந்தவர் காசியம்மாள் (வயது 105) இவரது கணவர் தங்கவேல் ஏற்கனவே இறந்துவிட்டார். இந்நிலையில் மகன் , மகள் , பேரப்பிள்ளைகள் யாரின் கவனிப்பும் இல்லாமல் காசியம்மாள் வாழ்ந்து வருகிறார் . மேலும் கொரோனா தடுப்பு நடவடிக்கையாக ஊரடங்கு நடைமுறையில் உள்ளதால் மிகவும் வறுமையில் வாடியுள்ளார். இதனை அறிந்த அரியலூர் மாவட்ட காவல் கண்காணிப்பாளர் திரு.V.R.ஸ்ரீனிவாசன் அவர்கள் 06/07/2020 அன்று நேரில் சென்று வறுமையில் வாடிவந்த மூதாட்டியின் நலன் விசாரித்து அரிசி, காய்கறி, மளிகை பொருட்கள் உள்ளிட்ட தொகுப்பினை வழங்கி உதவினார்.
