மதுரை : மதுரை மாநகர் வண்டியூர் டோல்கேட் பகுதியில், கடந்த 12ம் தேதி தேர்தல் பறக்கும் படையினர் வாகன சோதனையில் ஈடுபட்டு போது, மதுரை விமானநிலைய பகுதியில் இருந்து அந்த வழியாக வந்த சரக்கு வாகனத்தை தடுத்து நிறுத்தி சோதனையிட்ட போது, அந்த வாகனத்தில் 4 கோடி மதிப்பிலான தங்க நகைகள் இருப்பது தெரிய வந்தது. வாகனத்தில் மாநகர் பகுதியில் உள்ள நகை கடைக்கு விற்பனைக்காக நகைகள் விநியோகம் செய்வதற்காக எடுத்துச்செல்லப்பட்டது. தெரிய வந்த நிலையில், தங்க நகைகளுக்கான போதுமான உரிய ஆவணங்கள் இல்லாததால், மதுரை மாவட்ட ஆட்சியர் அலுவலக கருவூலத்திற்கு கொண்டு வரப்பட்டு வைக்கப்பட்டது. இதனையடுத்து, நகைகள் மற்றும் அதன் ஆவணங்கள் குறித்து வணிகவரி மற்றும் வருமானவரித்துறை ஆய்வு செய்தனர். நகைகளுக்கான ஆவணங்கள் கொடுக்கப்பட்டுள்ள நிலையில், அதனை அதிகாரிகள் சரிபார்த்து ஆவணங்கள் முறையாக இருந்ததால், நகைகள் விடுவிக்கப்பட்டது.
மதுரையிலிருந்து நமது நிருபர்
திரு.ரவி
