திண்டுக்கல் : திண்டுக்கல் மாவட்டம் மலைகளின் இளவரசியான கொடைக்கானலில் வத்தலகுண்டு வட்டார மோட்டார் வாகன ஆய்வாளர் திரு .இளங்கோவன் அவர்கள் கொடைக்கானல் நகர் பகுதியில் திடீர் வாகன தணிக்கையில் ஈடுபட்டார். அதில் சுமார் 20க்கும் மேற்பட்ட வாகனங்களில் ஓட்டுநர் உரிமம் , வாகன தரச்சான்று ,அனுமதி சீட்டு, இல்லாத வாகனங்களுக்கு அபராதம் விதித்தார். அதிக ஒலி எழுப்பக்கூடிய தடைசெய்யப்பட்ட ஒலிபெருக்கி பொருத்திய வாகனங்களுக்கு ஒரு லட்சம் ரூபாய் அபராதமும் மற்றும் சாலை வரி கட்டாத வாகனங்களுக்கு 40 ஆயிரம் வரி வசூல் செய்ததோடும் எந்த ஆவணமும் இல்லாமல் இயக்கப்பட்ட இரண்டு வாகனங்களை பறிமுதல் செய்து வத்தலகுண்டு வட்டார மோட்டார் வாகன ஆய்வாளர் அலுவலகத்திற்கு கொண்டு சென்றார். மேலும் கொடைக்கானல் மலைப்பகுதியில் தொடர்ந்து வாகன தணிக்கை மேற்கொள்ளப்பட்டு சரியான ஆவணம் இன்றி இயக்கப்படும் வாகனங்கள் பறிமுதல் செய்யப்படும் என்று வட்டார மோட்டார் வாகன ஆய்வாளர் திரு .இளங்கோவன் அவர்கள் தெரிவித்துள்ளார் .
திண்டுக்கல்லில் இருந்து நமது குடியுரிமை நிருபர்.
திரு.அழகுராஜா
