கோவை : கோவை பக்கமுள்ள வடவள்ளி, மருதமலை ரோட்டில் உணவு ,கடத்தல் தடுப்பு பிரிவு காவல் ஆய்வாளர் திரு.கோபிநாத், நேற்று சந்தேகத்தின் பேரில் ஒரு மாருதி வேனை தடுத்து நிறுத்தி சோதனை செய்தார் . அதில் 50 கிலோ எடை கொண்ட 9 சாக்கு மூட்டைகள் இருந்தது தெரியவந்தது. அதைப் பிரித்துப் பார்த்தபோது ரேசன் அரிசி இருப்பது கண்டுபிடிக்கப்பட்டது. இதுதொடர்பாக 450 கிலோ ரேசன் அரிசியும், மாருதி வேனும் பறிமுதல் செய்யப்பட்டது. இதை கடத்தி வந்த டிரைவர் திண்டுக்கல் மாவட்டம் ,மருதமுத்து (30), உதவியாளர் அகஸ்டின் போஸ் (38). ஆகியோரை போலீசார் கைது செய்தனர். இவர்கள் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர்.
கோவையிலிருந்து நமது குடியுரிமை நிருபர்
A. கோகுல்
