நெல்லை: நெல்லை அருகே கங்கைகொண்டான் பகுதியில் மாவட்ட குடிமை பொருள் கடத்தல் தடுப்பு பிரிவு காவல் ஆய்வாளர் திரு.தில்லை நாகராஜன் தலைமையிலான போலீசார் வாகன சோதனை நடத்தினர்.
அப்போது அந்த வழியாக வந்த மினி லாரியை நிறுத்தி சோதனை செய்தனர். அதில் 60 மூட்டை ரேஷன் அரிசி கடத்தி வரப்பட்டது தெரியவந்தது.
இதையடுத்து ரேஷன் அரிசியை கடத்தியதாக ராஜவல்லிபுரத்தை சேர்ந்த மகாராஜா, சிவா ஆகியோரை கைது செய்தனர். மேலும் அவர்களிடம் இருந்த 60 மூட்டை ரேஷன் அரிசி, மினி லாரியை பறிமுதல் செய்தனர்.