நெல்லை: உவரி காவல் ஆய்வாளர் செல்வி தலைமையிலான போலீசார் நேற்று வாகன சோதனையில் ஈடுபட்டனர். அப்போது அந்த வழியாக மோட்டார் சைக்கிளில் வந்த ஒருவரை போலீசார் தடுத்து நிறுத்தி சோதனை செய்தனர்.அதில் மோட்டார் சைக்கிளில் உள்ள சாக்குப்பையில் 50 மதுபாட்டில்கள் இருப்பது கண்டுபிடிக்கப்பட்டது.
இதையடுத்து போலீசார் நடத்திய விசாரணையில் ஆத்தங்கரை பள்ளிவாசல் கீழத்தெருவை சேர்ந்த கிறிஸ்டோபர் (வயது 50)என்பவர் மது கடத்தி வந்தது தெரிய வந்தது. இதையடுத்து போலீசார் வழக்குப்பதிந்து கிறிஸ்டோபரை கைது செய்து அவரிடமிருந்த மது பாட்டில்களையும், மோட்டார் சைக்கிளையும் பறிமுதல் செய்தனர்.