திருநெல்வேலி: தாழையூத்து காவல் நிலைய சரகத்திற்குட்பட்ட பூந்தோட்ட தெருவை சேர்ந்த அழகு கிருஷ்ணகுமாரி 54 என்பவர் 05.10.2022-ம் தேதி வீட்டில் தனியாக இருந்துள்ளார். அன்றைய தேதி அவரது கணவர் வேலைக்கும் அவரது மகள்கள் முத்தாரம்மன் கோவிலுக்கும் சென்று விட்டனர்.
இந்நிலையில் அழகு கிருஷ்ணகுமாரி அன்றைய தேதி கதவை தாழ்ப்பாள் போடாமல் தூங்கியுள்ளார்.பின்பு கோவிலுக்கு சென்று அழகு கிருஷ்ணகுமாரியின் மகள்கள் வீட்டிற்கு வந்துள்ளனர். பின்னர் 07.10.2022-ம் தேதி அவரது மகள்கள் வெளியில் செல்வதற்காக நகைகளை தேடியுள்ளனர் அக்கம்பக்கம் தேடியும் நகைகள் கிடைக்காததால் அழகு கிருஷ்ணகுமாரி அவரது வீட்டில் உள்ள சிசிடிவி கேமராவை பார்த்த போது 05.10.2022ம் தேதி அழகு கிருஷ்ணகுமாரிக்கு தெரிந்த நபரான வடக்கு தாழையுத்தை சேர்ந்த தங்கதுரை 28 என்பவர் அழகு கிருஷ்ணகுமாரி தூங்கிக் கொண்டிருந்த நேரத்தில் வீட்டிற்குள் வந்து 10 பவுண் நகைகளை திருடி சென்றது தெரியவந்தது.
இதுகுறித்து அழகு கிருஷ்ணகுமாரி தாழையூத்து காவல் நிலையத்தில் புகார் அளித்ததன் பேரில் உதவி ஆய்வாளர் திருமதி. செல்லதங்கம், அவர்கள் தலைமையிலான போலீசார் விசாரணை மேற்கொண்டு நகைகளை திருடிய தங்கத்துரையை இன்று கைது செய்தனர்.
