தூத்துக்குடி : தூத்துக்குடி மாவட்டம் கயத்தாறு வாகைத்தாவூர் பகுதியைச் சேர்ந்த பெரியதுரை மகன் மகாராஜன் (21), என்பவருக்கும் அதே பகுதியைச் சேர்ந்த தர்மர் (எ) தர்மராஜ் மகன் சுபாஷ் (31), என்பவருக்கும் இடையே முன்விரோதம் இருந்து வந்துள்ளது. இந்நிலையில் கடந்த (10.10.2022), அன்று மகாராஜன் வாகைத்தாவூர் பகுதியில் உள்ள மந்திரம் என்பவரது வீட்டில் முன்பு நின்று கொண்டிருந்த போது அங்கு வந்த சுபாஷ், மகாராஜனை அரிவாளால் தாக்க முயன்று கொலை முயற்சி ஈடுபட்டுள்ளார். இதுகுறித்து மகாராஜன் அளித்த புகாரின் பேரில் கயத்தாறு காவல் நிலைய ஆய்வாளர் திரு. முத்து வழக்கு பதிவு செய்து குற்றவாளி சுபாஷை கைது செய்தார்.
