திருநெல்வேலி : திருநெல்வேலி மாவட்டம், பத்தமடை, காந்தி நகரை சேர்ந்த சண்முகவேல், (75). ஆரோக்கியம், (65). தம்பதியினர். இவர்களுடைய பேரன் தங்கசூர்யா (22). சில நாட்களுக்கு முன்பு வீட்டை ஒத்திக்கு வைத்து பணம் தரும்படி கேட்டதில் பிரச்சினை இருந்துள்ளது. இப்பிரச்சினை காரணமாக (02.11.2024) அன்று ஆரோக்கியத்தின் வீட்டிற்கு வந்த தங்க சூர்யா அவரிடம் தகராறு செய்து கம்பால் தாக்கியுள்ளார். இதனை பார்த்து தடுக்க வந்த தாத்தா சண்முக வேலையும் கம்பாலும், அருவாளாலும் தாக்கி கொலை மிரட்டல் விடுத்து சென்றுள்ளார். இது குறித்து ஆரோக்கியம் பத்தமடை காவல் நிலையத்தில் அளித்த புகாரின் அடிப்படையில் உதவி ஆய்வாளர் கண்ணன் வழக்கு பதிவு செய்து விசாரணை மேற்கொண்டு தங்க சூர்யாவை (03.11.2024) அன்று கைது செய்து நீதிமன்ற காவலுக்கு உட்படுத்த நடவடிக்கை மேற்கொண்டு வருகிறார்.
திருநெல்வேலியில் இருந்து நமது குடியுரிமை நிருபர்
சண்முகநாதன்
