திருநெல்வேலி: சென்னை, எழும்பூர் ராஜரத்தினம் விளையாட்டு அரங்கத்தில் நடைபெற்ற இந்திய குடியரசுத் தலைவர் பதக்கங்கள், ஒன்றிய உள்துறை அமைச்சர் பதக்கங்கள் மற்றும் தமிழ்நாடு முதலமைச்சர் பதக்கங்கள் வழங்கும் விழாவில், சிறப்பாக பணியாற்றிய காவல் துறையினருக்கு பதக்கங்களை மாண்புமிகு முதலமைச்சர் அவர்கள் (23.08.2024) ஆம் தேதி வழங்கி சிறப்பித்தார்கள்.
இதில் திருநெல்வேலி மாவட்ட காவல் துறை சார்பில் சிறப்பாக செயல்பட்டதற்காக தமிழ்நாடு முதலமைச்சர் அண்ணா பதக்கம் மற்றும் மத்திய உள்துறை அமைச்சரின் பதக்கம் பெற்ற மாவட்ட குற்றப்பிரிவு காவல் ஆய்வாளர். முத்து, மற்றும் தமிழ்நாடு முதலமைச்சர் அண்ணா பதக்கம் பெற்ற வள்ளியூர் காவல் ஆய்வாளர். பச்சமால் ஆகியோரை, திருநெல்வேலி சரக காவல்துறை துணைத்தலைவர் முனைவர் பா. மூர்த்தி., இ.கா.ப., திருநெல்வேலி மாவட்ட காவல் கண்காணிப்பாளர் N. சிலம்பரசன்,இ.கா.ப., ஆகியோர் நேரில் அழைத்து பாராட்டினர்.
திருநெல்வேலியில் இருந்து நமது குடியுரிமை நிருபர்
திரு. சண்முகநாதன்
