திருநெல்வேலி: தமிழக காவல்துறை தலைமை இயக்குனர் உத்தரவுப்படி பொதுமக்கள் குறைதீர்க்கும் கூட்டம் வாரத்தின் ஒவ்வொரு புதன் கிழமையும் திருநெல்வேலி மாநகர காவல் ஆணையர் அலுவலகத்தில் நடைபெற்று வருகிறது. இன்று(16.10.2024) நடைபெற்ற இம்முகாமில் பொதுமக்கள் 11 பேர் திருநெல்வேலி காவல் ஆணையர் ரூபேஷ் குமார் மீனா, இ.கா.ப., விடம் புகார் மனு அளித்தார்கள்.
அதைப் பெற்றுக் கொண்ட காவல் ஆணையர் புகார் மனுக்கள் மீது சரியான நடவடிக்கை மேற்கொண்டு உரிய தீர்வு கிடைக்க வழிவகை செய்யப்படும் என உறுதியளித்தார். இம் முகாமில் காவல் துணை ஆணையர்கள் ( திருமதி.V.கீதா,(மேற்கு) S. விஜயகுமார், (கிழக்கு) G.S.அனிதா,(தலைமையிடம்) ஆகியோர் கலந்து கொண்டார்கள்.
திருநெல்வேலியில் இருந்து நமது குடியுரிமை நிருபர்
சண்முகநாதன்
