திருநெல்வேலி : (10.07.2022)-ம் தேதி அன்று சென்னையில் நடைபெற்ற மாநில அளவிலான சப் ஜூனியர் டென்னிஸ்பந்து கிரிக்கெட் போட்டியில் மொத்தம் 34, அணிகள் கலந்து கொண்டுள்ளது. இதில் திருநெல்வேலி மாவட்டத்தில் உள்ள நடுக்கல்லூர் அரசு மேல்நிலைப்பள்ளி, ரெட்டியார்பட்டி அரசு மேல்நிலைப்பள்ளி, பூதத்தான்குடியிருப்பு போப் மேல்நிலைப்பள்ளி மற்றும் கூடங்குளம் அணு ஆற்றல் மேல்நிலைப்பள்ளியை சேர்ந்த மாணவிகள் டென்னிஸ்பந்து கிரிக்கெட் போட்டியில், கலந்து கொண்டு முதல் இடத்தை பெற்றுள்ளனர்.
சப் ஜூனியர் டென்னிஸ்பந்து கிரிக்கெட் போட்டியில் முதல் பரிசு பெற்ற திருநெல்வேலி மாவட்ட வீராங்கனைகளான பள்ளி மாணவிகளை, திருநெல்வேலி மாவட்ட காவல் கண்காணிப்பாளர் திரு. ப.சரவணன் இ.கா.ப, அவர்கள் வெகுவாக பாராட்டி மென்மேலும் பல்வேறு போட்டிகளில், வெற்றி பெற வாழ்த்துக்களை தெரிவித்தார்.
