நாகப்பட்டினம் : நாகப்பட்டினம் மாவட்டம், கீழ்வேளூர் அடுத்த குருக்கத்தியில் அரசு வேளாண்மை கல்லூரி மற்றும் ஆராய்ச்சி நிலையம் செயல்பட்டு வருகிறது. பல்வேறு மாவட்டங்களில் இருந்தும் சுமார் 100 க்கும் மேற்பட்ட மாணவ, மாணவிகள் பயின்று வரும் கல்லூரியில் 3 வது கல்லூரி மாணவர் மன்ற துவக்க விழா நேற்று (22.11.2023) நடைப்பெற்றது. நிகழ்ச்சியில் நாகப்பட்டினம் மாவட்ட காவல் கண்காணிப்பாளர் திரு ஹர்ஷ் சிங் இ. கா. ப அவர்கள் பங்கேற்று மன்ற பொறுப்பாளர்களுக்கு வாழ்த்து தெரிவித்து பல்வேறு போட்டிகளில் பங்கேற்று வெற்றிப் பெற்ற மாணவ, மாணவிகளுக்கு சான்றிதழ்களை வழங்கி பாராட்டு தெரிவித்தார் அதனைத் தொடர்ந்து கல்லூரி மாணவ, மாணவிகளின் அசத்தலான நடன நிகழ்ச்சி நடைப்பெற்றது. மாணவர்களின் அசத்தலான நடனத்தை கண்டு ஆர்ப்பரித்த மாணவிகள் செல்போன் விளக்கை ஒளிரச் செய்து மகிழ்ந்தனர். இதில் கல்லூரி பொறுப்பு அதிகாரி இரவி, முதல்வர் அனுராதா மற்றும் பேராசரியர்கள் கலந்துக் கொண்டனர்.
