கிருஷ்ணகிரி: தேன்கனிக்கோட்டை காவல் நிலைய எல்லைக்குட்பட்ட மரக்கட்டா கிராமம் மற்றும் AVS Layout, தேன்கனிக்கோட்டை ஆகிய இரு வெவ்வேறு இடங்களில் மது, வினோத் என்பவர்கள் குடியிருந்து கொண்டு விவசாயம் செய்து மாடுகளை வளர்த்து வருவதாகவும், (05.10.2024) ஆம் தேதி இரவு வினோத் என்பவர் தன்னுடைய ஐந்து மாடுகளை மாட்டு கொட்டகையில் கட்டி வைத்துவிட்டு (06.10.2024) ஆம் தேதி விடியற்காலை சுமார் 05.00 மணிக்கு மாட்டு கொட்டகைக்கு சென்று மாடுகளை பார்த்த போது மாடுகள் காணவில்லை என்றும், (27.10.2024) ஆம் தேதி இரவு மது என்பவர் தன்னுடைய இரண்டு எருமை மாடுகளை மாட்டு கொட்டகையில் கட்டி வைத்துவிட்டு (28.10.2024) ஆம் தேதி விடியற்காலை சுமார் 05.00 மணிக்கு மாட்டு கொட்டகைக்கு சென்று மாடுகளை பார்த்த போது மாடுகள் காணவில்லை என்றும் அக்கம் பக்கம் இருந்தவர்களிடம் விசாரித்து கிடைக்காததால் மது, வினோத் ஆகிய இருவரும் காவல் நிலையத்தில் ஆஜராகி கொடுத்த புகாரின் பேரில் வழக்கு பதிந்து போலீசார் விசாரணை செய்து மாடுகளை திருடிய இரண்டு நபர்களை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.
