திருநெல்வேலி: திருநெல்வேலி மாவட்டம் வள்ளியூர் அருகே கோவனேரியைச் சேர்ந்த 19 வயது மாணவர், திருநெல்வேலி அரசு மருத்துவக் கல்லூரியில் முதலாமாண்டு படித்து வருகிறார். இவர் கைப்பேசி செயலி மூலம் அறிமுகமான நபர் ஒருவரை சந்திக்க கடந்த 22 ஆம் தேதி சிவந்திப்பட்டி அருகே உள்ள முத்தூர் மலைப்பகுதிக்கு சென்றுள்ளார். அப்போது, அங்கு மறைந்திருந்த கும்பல் அவரை மிரட்டி அரிவாளால் தாக்கி, ரூ.22ஆயிரத்தை பறித்துள்ளனர்.
இது குறித்து மாணவர் அளித்த புகாரின் பேரில், சிவந்திப்பட்டி காவல்துறையினர் வழக்குப் பதிந்து இச்சம்பவத்தில் ஈடுபட்ட ரெட்டியார்பட்டியைச் சேர்ந்த குமார் மகன் நிர்மல்ராஜ்(19). முறப்பநாடு சென்னல்பட்டியைச் சேர்ந்த முருகன் மகன் சுடலைமுத்து(26). கொங்கன்தான் பாறையைச் சேர்ந்த முருகன் மகன் சுப்பிரமணியன்(20). சிவராமமங்களத்தைச் சேர்ந்த மகாராஜன் மகன் சிவா(22). ஆகியோரை கைது செய்தனர்.
திருநெல்வேலியில் இருந்து நமது குடியுரிமை நிருபர்
சண்முகநாதன்
